Feliz Aninovo 2016
"Por un Ribeiro Poético" deséxavos un feliz aninovo 2016. Iste ano dedicado a Xosé Filgueira Valverde, o poeta pontevedrés, homenaxeado o día das Letras Galegas, despedimos o 2016 con un dos seus poemas :
ANXOS DE COMPOSTELA
Seguida IVª
Cantai, anxos de Diego, baixo os arcos floridos,
a carón dos pilares dos mesteres antigos
e nas rúas abertas ó paso dos romeiros,
¡cantai, eternos!
Bailai, anxos do Apóstolo, baixo as boutas labradas,
á beira do sartego onde findan estradas,
no Fisterre lonxano, polo mar dos anceios,
¡Bailai, eternos!
A carón dos pilares dos mesteres antigos,
cale a fala dos santos e o berro dos bestigos,
a rolda dos meniños e a refenda dos vellos,
¡cantai, eternos!
A beira do sartego, onde findan estradas,
nin troulas de folías, nin xoldas de ruadas,
nin pasos de muñeira, nin rebrincos chouteiros,
¡voade, eternos!
Baixo os arcos, as boutas, o pilar e o sartego,
convosco, nosos anxos, os anxos de Mateo.
XOSE FILGUEIRA VALVERDE
Poema dedicado a Gerardo Diego.
